Green Monday 話咁快又來到，今日講下點樣處理食唔曬的椰菜。話說朋友送咗兩個自己種的椰菜，我地已經食咗幾日都食唔曬，靈機一觸不如整德國酸菜 (German Sauerkraut )處理如下，非常之容易：
1. 椰菜切絲。
2. 將椰菜絲放進盆內，將鹽加入拌勻，放室溫靜止20-30分鐘待水份流出。
3. 器皿用沸水煲煮消毒，或自然風乾或用焗爐100°C低溫烘乾。
4. 加入自己喜歡的香料。鄭太加入了用來沖印度奶茶的 Green Cardamom 綠豆蔻。
5. 將椰菜絲倒進器皿內將8成滿，如出水不夠就加入飲用水蓋過椰菜。不要完全擰緊蓋口，因為蔬菜發酵時會排出氣體，讓器皿爆開。
6. 發酵速度看氣溫，每天試味道覺得夠酸就可放入雪櫃減慢發酵速度。這個天氣大概四天發酵好。
德國酸菜是天然發酵而成，活躍的乳酸菌令椰菜產生微酸的風味，保存得宜可以食用數個月。天然發酵食物大多富含益生菌，很多研究指出長期適量進食酸菜，對保護腸道及改善潰瘍問題有很大幫助。
#GreenMonday
Search